ТУХУМДОН КИСТАСИ ХАВФЛИ ХАСТАЛИКМИ?
Тухумдон кистаси қандай касаллик? У қандай пайдо бўлади?
Тухумдон кистаси тухумдон юзасида ҳосил бўлувчи ҳосила бўлиб, ичи суюқликка тўла бўлади. Одатда тухумдон кисталари ривожланаётган фолликуладан пайдо бўлади. Тухумдон кистаси аёл соғлиғи учун айтарли хавф туғдирмайди. Шу боис даволанилмаса, бир нечта ҳайз циклидан сўнг ўзи сўрилиб кетади. Камдан кам ҳолларда тухумдон кистаси кистанинг ёрилиши ёки қон кетиш билан асоратланади. Айрим ҳолларда киста ўз «оёғи»да ўралиб қолиши, ёндош аъзоларни босиши мумкин. Бу ҳолларда шошилинч жарроҳлик ёрдами кўрсатиш керак бўлади. Тухумдон кистаси ўлчовлари бир неча см.дан 15-20 см.гача бўлиши мумкин.
Овуляция нима? Фолликула қандай пайдо бўлади? Фолликула тухумдон кистаси ривожланишига қандай таъсир қилади? Тухумдон кисталари нима учун ҳар хил бўлади?
Соғлом аёлларда бачадоннинг икки тарафида тухумдонлар жойлашган. Тухумдонларда тухум ҳужайралар етилади. Тухумдонлар бачадон билан бачадон найлари орқали бирлашган. Ҳар бир тухумдоннинг ўлчами ёнғоқ катталигида бўлади. Ҳар ҳайз цикли давомида тухумдонлардан тухум ҳужайралар етилиб бачадон бўшлиғига тушади. Тухум ҳужайра етилгунга қадар фолликула ичида бўлади. Ҳайз цикли ўртасида фолликула ёрилади ва ичидан тухум ҳужайра бачадон бўшлиғига тушади. Фолликуланинг ёрилиши овуляция деб номланади. Бачадон бўшлиғига тушган тухум ҳужайра сперматозоидлар билан бирлашиб аёлнинг ҳомиладор бўлишига олиб келади. УТТ тадқиқот вақтида ҳар бир тухумдонда овуляцияга қадар бир нечта кисталарни аниқлаш мумкин. Булар етилган фолликулалардир. Овуляция вақтида эса битта ёки иккита фолликула ёрилади. Айрим ҳолларда эса етилган фолликулаларда кўп миқдорда суюқлик тўпланади. Натижада фолликуланинг размери катталашади. Бу касаллик фолликуляр киста деб номланади. Агар фолликула ёрилмаса бир неча ой давомида сақланиб қолади. Аста-секин бу кистанинг ўлчами кичиклашади ва йўқолиб кетади. Фолликула ёрилгандан сўнг фолликула ўрнида қолган сариқ танада ҳам киста ривожланиши мумкин. Бу сариқ тана кистаси деб аталади. Баъзида киста ичида қон тўпланади. Бу ҳолда киста геморрагик киста деб номланади.
Тухумдон кистаси ривожланишига мойиллик туғдирувчи хавфли омиллар нималардан иборат?
Ҳайз циклининг мунтазам бўлмаслиги;
Танада ортиқча ёғ тўпланиши;
Ҳайз циклининг эрта бошланиши (11 ёш ва ундан барвақт);
Гипотиреоз ва бошқа гормонал бузилишлар;
Тухумдон кистасида қандай белгилар кузатилади?
Одатда тухумдон кистаси касаллигида ҳеч қандай белгилар кузатилмайди. Касалликка УТТ текширув вақтида ташхис қўйилади. Айрим ҳолларда тухумдон кистаси касаллигида қуйидаги белгилар кузатилади:
Қорин пастки қисмида кучли оғриқлар кузатилиши;
Қорин пастки қисмида оғирлик ҳисси борлиги;
Ҳайз цикли даврида қорин пастки қисмида кучли оғриқларнинг бўлиши;
Қорин пастки қисмила жисмоний меҳнат вақтида ёки жинсий муносабатлар чоғида тўсатдан оғриқ пайдо бўлиши;
Ичаклар ва сийдик пуфаги бўшалиши вақтида қорин пастки қисмида оғриқ ва оғирлик ҳисси борлиги;
Даврий равишда кўнгил айниши ва қусиш;
Қин соҳасида оғриқлар аниқланиши ва қиндан қонли ажралма ажралиши;
Ушбу касалликда ҳеч қандай белгилар кузатилмаса қайси ҳолларда шифокорга мурожаат этиш лозим?
Агар сизда тухумдон кистаси касаллиги ташхиси қўйилган бўлса, қуйидаги белгилар кузатилганда дарҳол шифокорга мурожаат этиш лозим:
Тана ҳароратнинг 38,5 С дан баланд бўлиши;
Қорин соҳасида ва чаноқ соҳасида оғриқ бўлиши;
Ҳолсизлик, бош айланиши ва ҳушнинг йўқолиши
Ҳайз вақтида кўп миқдорда қон келиши ва узоқ давом этиши;
Қорин соҳасининг сабабсиз катталашиши;
Қон босимининг ўйнаб туриши (ошиши ёки тушиши)
Сийдик ажралишининг тезлашуви;
Қорин соҳасида қўл билан пайпасланадиган ҳосила аниқланиши.
Тухумдон кистаси касаллигига қандай ташхис қўйилади?
Тухумдон кистаси ташхисини тасдиқлаш учун қуйидаги текширувлар ўтказилади:
Компьютер томография. Агар УТТ текширув керакли маълумотни бера олмаса, компьютер томография текшируви ўтказилади;
Лапароскопик операция: Бу операция ёрдамида тухумдон кистасини аниқлаш ва уни олиб ташлаш мумкин;
Қондаги гормонлар миқдорини текшириш;
Ҳомиладорликни аниқлаш лозим. Чунки тухумдон кистасини даволашда ҳомиладор аёлларда ва ҳомиладор бўлмаган аёлларда фарқли томонлари бор.
Тухумдон кистаси ва орал контрацептив воситалар
Айрим мутахассисларнинг фикрича, ҳомиладорликдан сақланиш мақсадида қўлланиладиган орал контрацептив воситалар ёрдамида тухумдон кисталарини даволаш мумкин. Агар сизда тухумдон кистаси ривожланишига мойиллик мавжуд бўлса, шифокор тавсияси билан орал контарцептив воситалардан биронтасини қабул қилишингиз мумкин. Чунки бу гормонал воситалар овуляцияни секинлаштириб, тухумдон кистаси касаллигининг ривожланиш хавфини пасайтиради. Шунингдек, ушбу воситалар мавжуд кистанинг ўлчамини кичрайтиришга ҳам ёрдам беради.
Тухумдон кистаси ва жисмоний фаоллик
Тухумдон кистаси касаллиги мавжуд аёлларга жисмоний фаоллик қисман чекланади. Уларга кескин ҳаракатларни бажариш, сакраш, энергик машқлар ҳам ман этилади.
Киста кучли оғриқ берганда бу оғриқни қандай бартараф этиш мумкин?
Айрим ҳолларда тухумдон кистаси кучли ва кескин оғриқлар бериши мумкин. Бу ҳолда оғриқни қолдирувчи дори воситалари буюрилади. Масалан: парацетамол, пролид, нодамет, ибупрофен. Баъзи аёлларга илиқ ванна ёки грелка ҳам яхши ёрдам беради. Бу воситалар мушакларни бўшаштириб, зўриқишни бартараф этади. Бу усулни қўллаган вақтингизда жуда эҳтиёт бўлинг. Чунки грелка терини куйдириши мумкин.
Тухумдон кистаси ва ҳомиладорлик
Тухумдон кистаси ҳомиладорликка салбий таъсир қилмайди. Аёлларнинг бола кўриш фаолиятига ҳам тўсқинлик қилмайди. Тухумдон кистаси мавжуд аёлларда ҳомиладорлик кузатилиши билан киста ўлчамларининг кичрайиши ва йўқолиши кузатилади. Ҳомиладорлик пайтида тухумдон кистаси камдан кам ҳолларда ривожланади.
Тухумдон кистаси касаллиги қандай даволанилади?
Тухумдон кистаси гормонал ўзгаришлар натижасида келиб чиққанлиги боис одатда даволанилмайди. Фақатгина тухумдон кистаси 10 см. дан катта бўлган ҳолда ва 3 ой давомида ўз ўзидан сўрилмаган кисталар хирургик даволанилади.
Тухумдон кистаси асорат берган тақдирда (кистанинг ёрилиши, кистанинг оёғида ўралашиб қолиши, кистанинг ёндош аъзоларни босиши) зудлик билан оператив даво ўтказилади.
Киста ўлчамларини кузатиб бориш
Тухумдон кистаси аниқланиши билан унинг ўсиб бориши назорат остига олинади. Одатда кистанинг ўсиб боришини УТТ ёрдамида кузатиш мумкин. УТТ текшириш ҳайздан сўнг ўтказилади. Агар киста 3 ойдан зиёд вақт давомида сақланиб қолса шифокор тавсияси билан оператив даволанилади.
Тухумдон кистаси касаллиги оқибати
Тухумдон кистаси оқибати киста ўлчамига ва аёл ёшига боғлиқ. Кўпчилик тухумдон кисталари хавфсиз бўлиб, даволанишсиз ўзи ўтиб кетади. Тухумдон кистаси кўпинча туғиш ёшидаги аёлларда келиб чиқади. Ҳайз цикли кузатилмайдиган менопауза ёшидаги аёлларда тухумдон кистаси камдан кам учрайди. Уларда аксарият ҳолларда хавфли ўсмалар учрайди. Шу боис, менопауза пайтида 2-5 см. ўлчамга эга кисталарни жарроҳлик йўли билан олиб ташлаш тавсия қилинади.
Тавсияларни қўллашдан аввал шифокор билан маслаҳатлашинг.
источник
Тухумдон кистаси турмушга чиқмаган қизларда ҳам, ҳомиладор аёлларда ҳам учраётган экан. Ҳўш, бунинг сабаби нима? Тухумдон кистаси аслида қандай юзага келади? Бугун шу ҳақида суҳбатлашамиз.
Мутахассис: тиббиёт фанлари номзоди Севара Мирходжаева
ТУХУМДОН КИСТАСИ ҚАНДАЙ ЮЗАГА КЕЛАДИ?
Хавфсиз ўсма ҳисобланган киста (пуфак) организмда гормонал ўзгаришлар рўй берса ёки жинсий аъзоларда сурункали яллиғланиш (шамоллаш) касалликлари тўлиқ даволанмаса юзага келади. Баъзан турли инфекциялар сабаб бачадон шиллиқ қавати, тухумдон ва бачадон найларининг атрофи яллиғланади. Оқибатда эса шиллиқ қават зарарланиб, бунинг ҳисобига ўша ерда суюқлик йиғилади. Бу эса киста пуфагини ҳосил қилиши мумкин. Баъзи таҳминларга кўра, ҳайз циклининг тартибсизлиги, қаттиқ асабийлашиш, аёлнинг зарарли одатлари ҳам киста келиб чиқиш ҳавфини юзага келтиради.
БЕЛГИСИ ҚАНДАЙ?
Тухумдон кистасини ҳайз олди оғриқлари ёки жинсий аъзолар шамоллаши билан фарқлаб олиш учун безовталикларга диққат қилинг. Ўсманинг дастлабки белгиси қориннинг пастки соҳасида санчиқли оғриқ билан намоён бўлади. Бунда қорин катталашгандай бўлиб, тушунарсиз босимни ҳис этасиз. Айрим ҳолларда ҳайз цикли ўзгариб, ой кунларида бел ва қовуғ соҳасида оғриқ кучаяди. Бундан ташқари тез-тез пешоб ажралиши, кўнгил айниши, қайд қилиш, тана ҳароратининг кўтарилиши, қорин бўшлиғининг қаттиқлашиши ҳамда юрак уриши тезлашиши мумкин.
ТЕКШИРИШ УСУЛЛАРИ ИШОНЧЛИМИ?
Тўғри таҳлил ярим даво дегани, бежиз эмас. Агар юқоридаги каби безовталиклар бўлса, ўзбилармонлик қилиб УТТ текширувига эмас , дастлаб мутахассис ҳузурига йўл олинг. Шикоятларингиздан келиб чиқиб, шифокор қон ва пешобнинг умумий таҳлили ҳамда УТТ текшируви ўтказилишига кўрсатма беради. Кистани хавфли ўсмадан ажратиш имкони қийинлашса, компьютер томографияси буюрилади. Баъзан киста тури ва даражасини аниқлаш учун лапароскопия амалиёти ўтказилиб, жараённинг ўзидаёқ ўсма олиб ташланиши мумкин. Ҳасталик белгиси бачадондан ташқари ҳомиладорлик билан ўхшаш бўлгани учун айрим ҳолларда ҳомиладорликни аниқлашга доир тест ҳам ўтказилади.
МУОЛАЖА УЗОҚ ДАВОМ ЭТАДИМИ?
Бунинг учун киста турини аниқлаштириб олиш лозим. Тиббиётда тухумдон кистасининг асосан эндометриод ва фоликуляр турлари учрайди. Шифокор аниқланган киста турига кўра муолажа йўналишини белгилайди. Шуни унутмангки, кистанинг турига кўра муолажа давомийлиги фарқланиши мумкин. Хусусан:
• Организмдаги гормонал ўзгаришлар туфайли пайдо бўлган кисталар, асосан, дори воситалари ёрдамида даволанади. Бунда ўсма сўрилиб кетади. Агар киста кучли яллиғланишдан сўнг юзага келганлигини аниқланса, жарроҳлик амалиёти ўтказилади.
• Эндометриодлик киста эса секин-аста ривожлангани боис яққол белгилар сезилмаслиги мумкин. Ҳайзнинг оғриқли ўтиши ва одатдагидан узоқ давом этиши кистанинг илк аломатлари бўлиш эҳтимоли бор. Бу ҳолатда, асосан, гормонал препаратлар буюрилади.
• Фоликуляр киста аёлларга қараганда, балоғат ёшидаги қизларда кузатилиб, гормонлар ажралишининг бузилиши оқибатида юз беради. Вақтида аниқланса, дори воситалари ёрдамида даволаш мумкин.
Ҳар бир аёл организми индивидуал эканлигини инобатга олиб, муолажа давомийлиги турлича белгиланиши мумкин.
ЯНА ҚАЙТАЛАНСА-ЧИ?
Ҳеч бир касалликка нисбатан қатъий қайталанмайди деган ташҳис қўйилмайди. Хасталикнинг такроран юзага келиш эҳтимоли ташқи омиллар ёки организмдаги ўзгаришлар туфайли содир бўлиши мумкин. Тухумдон кистасининг ўлчами ва турига кўра бемор ҳар 3-6 ойда шифокор кўригидан ўтиб туради. Мутахассис даволаниш ниҳоясига етказилганини айтгач, профилактика мақсадида бир йилда бир марта шифокор кўригидан ўтиш мақсадга мувофиқдир.
ҚИЗЛАР НЕГА “КИСТА” БЎЛАДИ?
Болаликда ўтказилган инфекцион касалликлар, гелминтоз, лябля, камқонлик, қалқонсимон без фаолиятидаги бузилишлар асорати ҳамда иммунитет сусайишига ҳисобига жинсий аъзолар меъёрида ривожланмаслиги мумкин. Бу эса тухумдон кистасини келтириб чиқарувчи омилдир. Ангина, тишлар яллиғланиши оддий кўрингани билан инфекция ўчоғи ҳисобланади. Агар балоғат ёшига етган қизингизда ҳайз цикли меъёрида бўлмай, турли ўзгаришлар билан кечса, назоратга олинг. Бордию киста аниқлангудай бўлса, ваҳима қилмай, мутахассисга учраб, даво чораларини бошланг. Керакли дори воситалари ёрдамида киста бартараф бўлиб, асорати қолмайди. Даволангандан сўнг турмуш қуриш, фарзанд кўриш масаласида ҳам ҳеч қандай муаммо бўлмайди.
ҲОМИЛАДОРЛИКДА “ЁРИЛИБ” КЕТМАЙДИМИ?
Киста мавжуд бўлса, ҳомиладорлик юз бериши мушкул. Бордию ҳомиладорлик вақти бу каби ҳолат аниқланса, уни киста эмас ўсимта деб аташади. Ўсимта ортиқча безовталикларни келтириб чиқармаса ҳомиладорликнинг 16 ҳафтасида жарроҳлик амалиёти ёрдамида олиб ташланади. Йўқса, ҳомила катталашиши ҳисобига киста эзилиши, ёрилиши ёки буралиб қолиши мумкин. Бу эса она ва бола ҳаёти учун хавф туғдиради.
КЛИМАКС ДАВРИДА ҲАМ БЎЛАДИМИ?
Айрим аёллар наздида климакс даврида юзага келган ёки аниқланган кисталар ўз-ўзидан сўрилиб кетади. Аслида эса 40 ёшдан сўнг организмда турли ўсимталар юзага келиш мойиллиги ортади. Климакс аёл организмида бир қатор ўзгаришларни келтириб чиқаради. Бу эса тухумдондаги хавфсиз ўсмани хавфли кўринишга айлантириб юбориши мумкин. Қолаверса, уй шароитида мустақил даволаниш ҳам нотўғри! Климакс бошландими, киста ҳам борми вақтни кетказмай мутахассис ҳузурига йўл олинг. Ҳавотирланманг, давоси оддий ва ишончли.
“КИСТА ЎЗ-ЎЗИДАН СЎРИЛАДИ”МИ?
Тиббиётда оддий кисталар 2 ой мобайнида даволанади. Шу вақт ичида ҳажми кичрайиб борса, муолажа давом эттирилади. Акси бўлиб, киста ўлчами ўзгармаса ёки катталашиб борса, жарроҳлик амалиёти ўтказилади. Даволовчи шифокор беморнинг шикояти ва умумий аҳволига кўра ҳар 10 кун ёки хафтада бир марта тиббий текширув ўтказади.
Жарроҳлик амалиётидан қўрқманг!
Бугунги кунда ультратовушли скальпель, лазер муолажаси, лапораскопия каби жарроҳликнинг замонавий усуллари қўлланилаётган бўлиб, бемор одатдагидан тезроқ соғайиши учун имкониятлар мавжуд.
“ИССИҚ” МУОЛАЖАЛАР МУМКИНМИ?
Ҳалқ табобатига мурожаат қилишдан олдин шифокор билан маслаҳатлашинг. “Кистага қарши “гиёҳ ёки дамламаларнинг ҳаммаси ҳам фойда бермаслигини унутманг. Уй шароитида иссиқ ванна қилиш, турли қайнатмаларда чайиниш ҳам тавсия этилмайди. Киста хавфсиз ўсма бўлгани билан турли омиллар сабаб хавфли турга айланиши ҳеч гап эмас.
ҲАСТА БЎЛМАЙСИЗ, ҚАЧОНКИ.
• Жинсий аъзоларда яллиғланиш ҳолатларига йўл қўймасангиз;
• Безовталиклар, ҳайз оғриқлари, тана вазнига диққат қилсангиз;
• Қиндаги ажралма рангига, қачон ва қай тарзда юз бераётганига эътибор берсангиз;
• Бир йилда 2 марта гинеколог кўригидан ўтсангиз, нафақат тухумдон кистаси балки аёлларга ҳос бошқа касалликлардан ҳам ҳоли бўласиз.
источник
Аёл кишининг тухумдонида ҳар ойда бир дона киста пайдо бўлади, у маълум даврга келиб ёрилади ва ичидан тухумҳужайра чиқиб, бачадон найлари орқали ўзининг энг буюк юришини бошлайди.
Агар унинг бахти очилиб, омади келиб қолса, бачадон найчаси адоғида тўрт қаватли уйи, Малибу машинаси ва бир сатил тиллоси бор навқирон, ёқимтой сперматозоид акани учратади.
(омади бутунлай келмаса тескариси-гиёҳванд, пиёниста, қўлидан ҳеч вақо келмайди- ган бир нокас сперматозоидни учратиши, омад чала келса ҳеч кимни учратмаслиги мумкин).
Аммо, бир қанча ички ва ташқи сабаблар борки, бунда киста ёрилмаслиги мумкин. Гормонал бузилишлар, бўқоқ, ревматизм, қондаги инфекциялар, венерик касалликлар, қон айланишининг бузилиши, камқонлик, дармондорилар етишмаслиги. қўл телефонида узоқ гаплашиш, компьютерга башарани тираб узоқ ўтириш, гиподинамия каби ҳолатлар шунга олиб келади.
Огриқни тез бартараф этиш усули
Ҳали шифокор мижғовланиб кистангизнинг ўлчами, шак- ли, жойлашган ўрни, килиб чиқиш сабаблари, давоси хусуси- да фикр юритар экан.
вақтинча бўлса ҳам оғриқни тўхтатиб туришингизга тўғри келади. Бунинг учун но-шпа, ибупрофен, пентальгин, папаверин шамчаларидан фойдаланиш, қорин па- стига муз қопчасидан қўйиш наф беради.
Узоқ муддатлик профилактика дастури
Аксарият шифокорлар кистани узоқ вақт кузатиш лозим, деб ҳисоблайдилар.
Даво усуллари беморнинг ёшига боғлиқ бўлиб, ёши катта аёлларда уни ўсмага айланишини кутиб ташламасдан жарроҳлик йўли билан олиб ташланади.
Узоқ муддат ҳомиладорликка қарши дорилардан қабул қилиш кўп ҳолларда кистани батамом сўрилиб кетишига олиб келади.
Агар 2-3 ойлик даво курсидан кейин ҳам киста кичраймаса, ёки йўқолиб кетмаса, ҳамда беморнинг ёши 40 дан катта бўлса киста тухумдон қолдирилган ҳолда олиб ташланади.
Агар кисталар кўпламчи бўлса, ёки ўсмага гумон бўлса, тухумдондан ҳам воз кечилади. Имкон қадар тухумдон олиб ташланмаслиги керак, чунки уни олиб ташлаш остеопороз, ҳамда юрак касаллигига олиб келади.
Ёш аёлларда эса агар кистанинг ўлчамлари 50,0 мм дан кичик бўлса комплекс даво тадбирлари ўтказилиб, бир неча ой мобайнида ультратовуш текшириши орқали кузатиб борилади.
Ҳар қандай ҳолда ҳам асосий касаллик даволаниши лозим. Бўқоқ, қондаги инфекциялар, гормонал ўзгаришлар, қандли диабетлар, ирсий мойилликлар, венерик касалликлар, жинсий ҳаёт маромининг бузилиши, узоқ муддат ҳомиладор бўлмаслик, абортлар, носоглом турмуш тарзи, ортиқча вазн,
гиподинамия, сурункали қабзиятлар тухумдон кисталарига олиб келувчи сабаблар сирасига киради.
Тадқиқотлар тухумдон кисталари кўпинча эри билан ажрашган, (эри қамалган, хорижга ишга кетиб қолган, импотент бўлиб қолган,
ўлган, жинсий ориентацияси ўзгарган) аёлларда тухумдон кистаси кўпроқ учрашини исботлаб, жинсий ҳаёт маромига кўпроқ эътибор бериш лозимлигини таъкидлайди.
Юқоридаги касалликларнинг ҳаммасида ностероид оғриқсизлантирувчи препаратлар фақат оғриқ ҳиссини пасайтиради, аммо касалликнинг кечишига таъсир кўрсатмайди.
Менинг бир момом бўларди. Ҳайзда ичи оғрийдиган, ҳомиладор бўлолмаётган, бачадони яллиғланиб кетган аёлларни обдон қиздирилган тандирнинг ичига баайни хумга кириб қолган Муборакдек (Оловиддиннинг сеҳрли чироғи фильмидан) қамаб, даволарди. Бечора аёл 20-30 дақиқадаёқ оҳ-воҳ қилиб, бурнидан тортса йиқилгудек ҳолга тушарди.
Уч-тўрт марта такрорлангандан кейин уларнйнг деярли барчасида ижобий ўзгариш бўлганлигини қўй, эчки, ғунажин етаклаб келган одамлардан сезардим.
Халқ табобатини яхши эгаллаган момом одамларга нафи тегиб бой-бадавлат яшашнинг ҳам уддасидан чиқарди.
Албатта, бу воқеаларга 35-40 йил бўлиб ўтгани учун барча тафсилотлари билан эслаш имкони йўқ.
Уйлайманки, уларнинг маълум фоизида тухумдон кисталари ҳам учраган ва бу усулдан наф топган бўлса керак.
Уша пайтлари ультратовуш диагностикаси бўлмаганлиги, ҳамда каминанинг ўзи ҳам қорин ғамидан бўлак ғами йўқ ёш бола бўлганлиги боис аниқ бир нарса дейиши қийин!
источник
Оила жуфтликдан иборат. Ота-онанинг тўрт мучаси соғлом бўлсагина улардан баркамол авлод дунёга келади. Аммо айрим сабабларга кўра хонадонда чақалоқ йиғиси эшитилмаса кўпроқ аёлни айбдор этишади. Бироқ, бепуштликнинг сабабини аниқлаш учун албатта эр-хотин биргаликда тиббий кўрикдан ўтиши зарур. Шунингдек, даво муолажаларини тўлиқ олиш кутилган самарани беради.
Тухумдон кистаси энг кенг тарқалган ўсма касалликларидан биридир. Қисқача айтганда тухумдон кистаси бу суюқлик билан тўлдирилган пуфак. “Кystis” – грекча сўздан олинган бўлиб, “пуфак” деган маънони билдиради.
Биринчидан, бу касаллик аёл жинсий аъзоларининг энг асосийси яъни, тухумдонни шикастлайди. Тухумдон ишлаб чиқарган гормонлар хотин-қизлар гўзаллигини бутун умр сақлаб туради. Бу аъзолар аёлга энг катта бахт, она бўлишига ёрдам беради. Тухумдонлар ҳомила жинси маълум бўлган даврдаёқ ривожланишни бошлайди.
Кисталарнинг бир неча турлари мавжуд. Улар бир-бирларидан хасталик келиб чиқиш сабаблари ва тузилиши билан фарқ қилади. Уларнинг белгилари ва асоратлари ҳам ҳар хил бўлади.
Дастлаб тухумдон кистасининг қайси тури ривожланаётганини аниқлаш зарур. Хасталанган тухумдоннинг тузилиши аниқ бўлса, унинг даволаниш усули ҳозирги вақтда аниқ ўрганилган ва ишлаб чиқилган.
Тухумдон кистаси ўнг ёки чап томонда бўлиши мумкин. Даволашдан аввал кистанинг турини аниқлаш зарур. Бунда тухумдон кисталари икки турга ажратилади.
Биринчи тур кисталар – функционал кисталар. Улар ҳаёт давомида ҳар бир хотин-қизда пайдо бўлади. Ҳаттоки, кўпчилик буни билмайди ҳам. Чунки, улар ўзи пайдо бўлиб, ўзи йўқолиб кетади. Бу кисталар асоратсиз кечади, уларни кузатиб, дори-дармонлар билан даволаш мумкин. 90 фоиз ҳолатларда функционал кисталар 2-3 ой давомида сўрилиб кетади.
Иккинчи тур-ҳақиқий тухумдон кисталари – уларни жуда кўп турлари мавжуд. Бу пуфакчаларнинг барчаси оператив усулда даволанади, ҳамда жиддий асорат бериши мумкин.
Асосан барча тухумдон кисталарига ташхис ультратовуш текширувидан кейин қўйилади. Бу текширувда кистани топиш мумкин. Унинг тузилишини ҳам аниқлаш имконини беради. Аммо баъзи ҳолларда уларнинг турини аниқлаш бироз қийинчилик туғдиради. Чунки, кўпинча кисталар ультратовуш текширувида бир хил кўринишда бўлади. Шунинг учун агар асоратлар бўлмаса, аниқланган кистанинг функционал ёки ҳақиқий кисталигини билиш учун 1-3 ой давомида кузатиб бориш мумкин. Бу динамик кузатув деб аталади. Агар тухумдонда функционал киста бўлса, у сўрилиб кетади. Ёки ўзгариб, тўғри ташхис қўйишда ёрдам беради. Ҳақиқий ўсмалар эса йўқолмайди ва ўзгармайди. Бу танланган йўналиш ноўрин қилиниши мумкин бўлган жарроҳлик амалиётининг олдини олади. Агар тўғри ташхис қўйишда уч ой етарли бўлмаса, яна бироз кузатиш зарур. Аммо, бу кузатув жараёни бир йилдан зиёд бўлмаслиги керак. Фақат бемор гинеколог назоратида доимо бўлиши керак.
Дифференциал(қиёсий ташхис) диагностика – бу тўғри ташхис қўйишда ёрдам беради. Беморда тухумдон кистасига гумон қилинганда доимо дифференциал диагностика ўтказилиши зарур. Кистага хос клиник белгилар бошқа касалликларда, жумладан, ўткир аппендицит(кўричак), тухумдоннинг онкологик касалликларида, бачадондан ташқаридаги ҳомиладорликда, кичик чаноқ аъзоларининг варикоз касаллигида, пешоб-таносил аъзолари касалликларида, ичак хасталикларида ва ҳоказоларда кузатилиши мумкин.
Бу усул тухумдон кисталари ва ўсмаларини аниқлашда ёрдам беради.
Ультратовуш текшируви нафақат тухумдон кисталарини, балки уларнинг тузилиши ва хусусиятини ҳам аниқлайди.
Компьютер томографияси ёки магнит-резонанасли томография бу кистани батафсил ўрганиб чиқадиган усул. Унинг жойлашиши ва тузилиши, чегаралари ҳамда ёндош аъзолар билан чегараси, шунингдек, хавфли ўсмага айланганми ёки аксинча эканлигини аниқлашда ёрдам беради.
Қиннинг орқа гумбази пункцияси кистада асорат кузатилмаганда ва яна кичик чаноқда қон ёки суюқлик борлигини аниқлаб беради.
Лапароскопия – эндовидео усули жарроҳлик усул бўлиб, ташхис ва даволаш мақсадида қўлланилади. Унда қорин бўшлиғининг аъзоларига олдинги қорин девори орқали кирилади. Бу усул барча кисталарни турини аниқлайдиган мутлоқ текширув бўлиб, даволашнинг асосий тури шундай амалга оширилади.
Ҳомиладорликка тест – бу усул бачадондан ташқарида ҳомила бор-йўқлигини аниқлашда қўлланилади.
Қоннинг ва пешобнинг умумий таҳлилидаги салбий ўзгаришлар, онкомаркерларга текширув-бу кисталарнинг хавфли гуруҳга киришини, уларда яллиғланиш жараёни борлигидан далолат бериши мумкин. Унутманг, азиз юртдошлар, хасталикни даволагандан кўра, унинг олдини олган афзал.
Жаҳонгир ҒАФУРОВ,
Республика Перинатал Маркази гинекология бўлими мудири.
Дилноза РУСТАМБЕКОВА,
олий тоифали гинеколог.
Телеграмдаги расмий каналимизга аъзо бўлинг!
Бош саҳифа » Гинекология » Тухумдон кистаси — бепуштлик сабабчиси
источник
uzbekiston 03.03.2017 Маданият Comments Off on Бачадон касалликлари – белгилари даволаш 8,032 Показы
Бачадон қандай аъзо?
Бачадон ковак аъзо бўлиб, мушаклардан тузилган. У кичкина чаноқ бўшлиғида, қовуқ билан тўғри ичак орасида жойлашиб, шакли нокка ўхшаш, бўшлиғи учбурчаксимон, бир бурчаги бачадон бўйни каналига, иккинчи бурчаги эса бачадон тубига, пастки бурчаги бачадон бўйни каналининг ички тешигига қаратилган. Юқоридаги икки бурчак бачадон найларининг тешигига тўғри келади. Бачадон девори – ички шиллиқ қават (эндометрий), ўрта – мушак қават (миометрий) ва ташқи сероз қават (қорин пардаси)дан иборат. Ҳомиладорликда мушак толаларининг йўғонлашиши ва янги толаларнинг пайдо бўлиши ҳисобига бачадон катталашиб, шакли ўзгаради. Туғруқдан кейин эса қисқариб, асл ҳолига қайтади. Аёл кексайган сари (айниқса, ҳайз кўриш буткул тўхтаганда) бачадон кичрая бошлайди. Бачадон жудаям ҳаракатчан бўлиб, тўғри ичак тўлганда ёки пешоб йиғилиб, қовуқ катталашганда осонгина ўз ҳажмини ўзгартира олади.
Кўп учрайди
Бачадон бўйни эрозияси гинекологик касалликлар орасида энг кўп учрайди. Эрозия – лотинча сўз бўлиб, «юзанинг жароҳатланиши» деган маънони англатади. Бизга маълумки, бачадон бўйни уч қаватдан иборат бўлиб, унинг ташқи шиллиқ қавати кўп қаватли ясси эпителий ҳужайралардан ташкил топган. Бачадон бўйни ички каналининг қавати эса бир қаватли цилиндрсимон эпителий ҳужайралардан таркиб топган. Бу иккала ҳужайраларнинг чегараси, яъни бирикиш жойи бачадон бўйнининг ўтиш қисмида тўқнаш келади. Бачадон бўйни шиллиқ қаватининг юза қисми шикастланиши оқибатида эрозия вужудга келади. Бунда асосан бачадон бўйнининг атрофи қизаради.
Бачадон бўйни эрозиясини келтириб чиқарувчи омиллар талайгина. Энг асосий сабабчилардан бири – жинсий аъзолардаги яллиғланишлар. Чунки яллиғланишда бачадондан чиқинди кўп ажралади. Бундан ташқари, бачадон бўйнидаги безлар ҳам кўп шиллиқ ажратади ва натижада шиллиқ қават юзаси бичилиб, шилинади.
Ўша ташқи кўп қаватли ясси эпителий ҳужайраларнинг шикастланиши натижасида чин эрозия пайдо бўлади. Кейин унинг битиши жараёнида ички цилиндрсимон эпителий билан қопланиши натижасида чин эрозия сохта эрозияга айланади.
Туғма, чин ва сохта…
Эрозиялар туғма, чин ва сохта бўлиши мумкин. Туғма эрозия янги туғилган чақалоқларда то балоғат ёшига етгунча кузатилади. Туғма эрозияга она қорнида ривожланаётган ҳомиланинг жинсий аъзолари етилаётган пайтида аёлдаги гормонал ўзгаришлар сабаб бўлади. Масалан, 16-17 ёшли қизларда ўша кўп қаватли ясси эпителийнинг жойини цилиндрсимон ҳужайралар эгаллаган бўлади. Лекин бу жараёнда етуклик давригача, яъни балоғатга ўтиш даврида бўладиган гормонал ўзгаришлар сабаб бачадон бўйни етилишининг тўлиқ шаклланиши инобатга олинади. Шунинг учун ҳам ёш қизларда туғма эрозия аниқланган тақдирда ҳам, дарров даво чоралари кўрилмайди. Чунки етилиш жараёнида (20-22 ёшгача давом этади) туғма эрозия ўз-ўзидан йўқолиб кетиши мумкин.
Чин ва сохта эрозиялар кўпроқ балоғатга етган қизлардан тортиб 18-36-40 ёшгача бўлган аёллар орасида кўп учрайди. Чунки бу пайтга келиб жинсий ҳаёт бошланади, шу билан бирга, ҳомиладорлик, туғруқлар даври ҳам ҳисобланади. Ҳар бир туғруқ, ҳар бир бачадон ичига қилинган муолажалар, абортлар, туғруқдан кейинги жароҳатлар, жинсий аъзолардаги турли яллиғланишлар, вирус, бактерия, замбуруғлар, жинсий йўл билан юқувчи касалликлар, гормонал мувозанатларнинг бузилиши, иммунитетнинг пасайиши ва туғруқдан кейинги шикастларнинг ҳаммаси чин эрозия пайдо бўлишига туртки бўлади. Бу сабаблар натижасида бачадон бўйнининг ясси қавати шикастланади ва жароҳатланган жой чин эрозия дейилади. Лекин чин эрозия якка ўзи кечмайди, унга, албатта, яллиғланиш жараёни ҳам қўшилади. Яллиғланиш жараёнида шиллиқ парда қизаради, шишади, бел ва қовуқ соҳасида оғриқ пайдо бўлиши мумкин. Жинсий аъзода алоқа вақтида оғриқлар кузатилади. Қиндан йирингли ва бошқа оқмалар ажралади. Чин эрозияда бачадон бўйнининг ташқи тешигини қоплаган ясси эпителий бўлмайди. Эпителийсиз юзалар ва уларнинг атрофида яллиғланиш жараёнлари кучаяди. Шу соҳа шишиб, сўнг қаттиқ бўлиб қолади. Лейкоцит ва лимфоцитлардан иборат бўлган майда ҳужайрали инфильтрация юзага келиб, жароҳатланган жойдаги қон томирлар кенгаяди ва қонга тўлади. Энди жароҳат жойи тикланиши керак-ку, тикланиш жудаям суст бўлади, чунки яллиғланиш сурункали ҳолатда кечади, шунинг учун бу ўринни ясси эпителий ҳужайрадан олдин бачадон ички каналида жойлашган цилиндрсимон эпителий тез қоплаб олади. Натижада чин эрозия сохта эрозияга айланади.
Сохта эрозия сурункали яллиғланиш жараёни бўлгани сабаб энди у ўз-ўзидан тикланиб, соғаймайди. Шунинг учун бачадон бўйни эрозияси аниқланганида аёл, албатта, тўлиқ даво чораларини қўллаши керак. Юқорида айтилганидек, бачадон бўйни эрозияси оғриқлар, қиндаги ажралмалар, жинсий яқинликдаги оғриқ ва, ҳаттоки, қонли ажралмалар билан ҳам келиши мумкин. Лекин 50 фоиз аёлларда касаллик аломатлари намоён бўлмаслиги ҳам мумкин. Шунинг учун ҳар бир аёл йилига 1-2 марта гинеколог текширувидан ўтиб туриши лозим.
Бачадон бўйни эрозиясини ҳозирги кунда аниқлаш ва ташхислаш қуйидаги усуллар орқали олиб борилади. Биринчи, қин ойнаси орқали кўриш, кейин бачадон бўйнининг тасвирини катталаштириб берадиган асбоб бор, бу кольпоскоп, унинг ёрдамида қин бўйни текширилади. Бу кольпоскопия усули дейилади. Кейин бачадон бўйнининг шикастланган жойидан суртма олиниб, ҳужайралар қанақа аҳволда, ўзгариш бор-йўқлигини билиш учун цитологик текширувдан ўтказилади. Агар лозим топилса, шикастланган жойдан, яъни ҳужайрадан кесиб олиниб, гистологик текширув ҳам амалга оширилади.
Асоратлари оғир…
Бачадон бўйни эрозияси аниқланганидан кейин ҳар бир аёл, албатта, даво чораларини бошлаши шарт. Чунки бачадон бўйни эрозиясида одам папиллома вируси жойлашади. Папиллома вируси жойлашган ҳужайралар маълум муддат ичида, бачадон бўйни касалликларидан оддий кондиломадан тортиб бачадон бўйни саратонигача олиб келиши мумкинлиги аниқланган. Дунё аҳолиси аёллари орасида бачадон бўйни саратони кўкрак бези саратонидан кейин иккинчи ўринда туради. Шунинг учун бу касаллик аниқланганидан кейин, албатта, зудлик билан даво чораларини бошлаш керак.
Даво усуллари
Ҳозирги кунда тиббиётда бу касалликни даволашда ҳам бир қанча усуллар мавжуд бўлиб, улардан қайси бирини қўллашни шифокор касаллик даражасига қараб белгилайди. Биринчи ўринда, яллиғланиш жараёнига қарши, яъни инфекция қўзғатувчиси аниқланганидан кейин консерватив антибактериал терапия курси олиб борилади. Ундан кейин оператив усулларга диатермокоагуляция (яъни юқори ҳарорат ёрдамида куйдириш), криодиструкция (яъни музлатиб қўйиш) ва охиргиси жарроҳлик лазери ёрдамида даволаш. Ҳозирги кунда жарроҳлик лазери анча кенг қўлланилаётган ва энг самарали усул ҳисобланади. Унда куйдирилганидан кейинги битиш жараёни жуда тез якунланади. Мисол, диатермокоагуляция, криодиструкция. Тикланиш, яъни битиш тўрт ҳафтадан саккиз ҳафтагача давом этса, лазер ёрдамидаги усулда 3-4 ҳафта ичида бачадон бўйни бутунлай соғаяди.
Бачадон миомаси
Бачадон миомаси деб, мушак тўқимасидан, фибромиома – бириктирувчи тўқималардан ташкил топган, гормонларга мойил бўлган хавфсиз ўсмага айтилади. Миома кенг тарқалган касаллик бўлиб, гинекологик беморларнинг 10-27% да, 30 ёшга етган беморларнинг 20% ида, 40 ёшдан катта беморларнинг эса 40% ида учрайди.
Бачадон миомасининг келиб чиқиш сабаблари ва ривожланиши юзасидан жуда кўп олимларнинг фикр-мулоҳазалари бўлиб, улар ҳар хилдир, лекин ягона якуний хулосага келинмаган. Бу масалада бутун дунё олимлари тадқиқот ишларини олиб бормоқдалар.
источник
Гоҳо баданда қизил, жигарранг, қора доғлар пайдо бўлади. Баъзида уларга эътиборсиз бўлсак, гоҳида бу бизни ташвишга солади. Хўш, бу доғларнинг пайдо бўлишига сабаб нима? Уларнинг келиб чиқиши саломатлик билан боғлиқми?
Бу борадаги саволларимизга дерматолог Шаҳло ИСМОИЛОВА жавоб берди.
— Доғ пайдо бўлиши асосан, модда алмашинуви ва функцияларининг бузилишидан келиб чиқади, — дейди Шаҳло Исмоилова. — Бу ёшга боғлиқ эмас. Улар катталарда ва ёшларда турли сабаблар билан пайдо бўлиши мумкин. Гоҳида доғлар қандай пайдо бўлган бўлса, шундай ўз-ўзидан йўқолиши ҳам мумкин. Бироқ бу камдан кам ҳолатларда юз беради. Доғларни кетказиш анча вақт ва ҳаракат талаб этади. Айниқса, юз териси жуда таъсирчан бўлгани сабаб, доғлар тез юзага чиқади. Кўпинча аёллар юзда пайдо бўлган доғларга қарши турли косметик воситаларни қўллай бошлайди. Аслида эса фақат бу тадбир билан доғлар йўқолмайди. Бундай воситаларни қўллашда дастлаб, юз озгина оқаргандек бўлади, бироқ вақт ўтгач, яна ўзини намоён қилаверади. Шу сабаб доғларнинг келиб чиқиш сабабини аниқлаб, кейин даволаш керак.
— Пигмент доғи меланин моддасининг организмда ҳаддан ортиқ фаоллашуви сабаб терида пайдо бўлади. Меланин — бу аморф доғ ҳисобланиб, соч, тери, кўз қорачиғига меъёрда тўқ-жигарранг ва қора ранг беришда катта рол ўйнайдиган модда. Гоҳида меланин терининг бир нечта қаватида жойлашади. Агар у тери юзасида жойлашса, оч тусдаги доғлар пайдо бўлади. Масалан, сепкил ва холлар шулар жумласидан. Улар оч-сариқ рангдан, то жигарранггача тусда бўлади. Лекин жигарранг доғлар юзнинг чуқурроқ қаватларида жойлашади. Баъзан тери сатҳига кўтарилиши ҳам мумкин.
— Унинг бир нечта тури бўлиб, булар — сепкил, хлоазма, лентиго, холлар ва туғма доғлардир. Доғларга гоҳида наслий мойиллик ҳам кузатилади. Агар наслий жиҳатдан мойиллик кучли бўлса, чақалоқлар терисида жигарранг доғ билан туғилади. Доғларнинг яна бир тури бу гормонлар фаолиятининг бузилиши оқибатида пайдо бўладиган қора доғлардир. Булар ҳомиладорликда, туғишнинг биринчи йилида гормонал мувозанатнинг бузилишидан келиб чиқади. Бу доғларни бартараф этиш учун нафақат ташқаридан таъсир ўтказилади, балки организмдаги гормонал мувозанатни меъёрига келтириш зарур бўлади. Бунинг учун, аввало, эндокринологик, гинекологик касалликларнинг организмда бор-йўқлигини текшириш керак. Айниқса, қалқонсимон без фаолиятига алоҳида эътибор қаратиш лозим. Асосий касалликни даволагач ва гормонал ҳолат меъёрига келтирилгач, доғлар олдинига очаради ва вақт ўтиши билан йўқолиб кетади. Қуёш ва ультрабинафша нурдан ҳам доғлар пайдо бўлади. Айниқса, баҳор пайтларида қуёш нурлари терига кучли таъсир қилади. Баъзи ҳолатларда қуёшдан сақловчи воситаларнинг ҳам доғларни бартараф этишга кучи етмайди. Шу сабаб кундузи 11.00 дан 15.00 гача терини тиғиз қуёш нуридан асраш керак.
— Доғларнинг жойлашишига қараб, қайси аъзода муаммо борлигини аниқлаш мумкинми?
— Юз, бўйин, қорин соҳасидаги доғлар гормонол мувозанатнинг ўзгариши билан боғлиқ. Бу асосан ҳомиладор аёлларда кузатилади. Қўл кафти ва юз ёноғидаги майда доғлар пешоб йўли ҳамда жигардаги ўзгаришлардан дарак. Пешона, икки чакка, қўл кафти, оёқдаги доғ қалқонсимон без фаолиятидаги ўзгаришлар ва сийдик қопи яллиғланишидан дарак. Витаминлар етишмаслиги ҳам доғни юзага келтириши мумкин. Бурун атрофидаги доғ, кўкракдаги майда сепкил қуёшда узоқ вақт тобланиш асорати. Бўйин соҳаси, қулоқ атрофида юзага келган доғлар стресс ва асабийликдан. Асабий кишиларда доғ пайдо бўлиши кўпроқ кузатилади. Қизилроқ доғлар ошқозон-ичак тизимида муаммолар борлигини билдиради. Жигарранг доғлар жигар ва ўт қопи касалликларидан, сарғимтир жигарранг доғлар буйрак хасталикларидан далолат. Бу ўзгаришлар бартараф этилгач, доғлар ўз-ўзидан йўқолади. Гоҳида доғлар минерал ва витаминлар етишмаслигидан келиб чиқса, баъзида айрим дориларнинг узоқ вақт истеъмол қилинишидан пайдо бўлади. Айниқса, антибиотиклар истеъмолида бу кўп кузатилади. Доғларга аллергик ҳолатлар, косметика воситаларининг нотўғри ишлатилиши ҳам сабаб. Айрим доғлар эса ёш ўтиши ва қариш билан боғлиқ. Чунки 40-45 ёшдан кейин организмда меланин моддасининг миқдори ошади. Натижада юзда ва қўлда доғлар пайдо бўла бошлайди. 60-70 ёшдан кейин лентиго номли оч ва тўқ жигарранг доғнинг кўпайиши жадаллашади. Бироқ доғнинг пайдо бўлиши сурункали касалликларнинг мавжудлиги билан ҳам изоҳланади. Баданда доғлар пайдо бўлдими, аввало, дерматологга учраш лозим. Албатта, гинеколог, эндокринолог, гастроэнтеролог, невролог, невропатолог ва бошқа мутахассислар маслаҳатини олиш зарур. Чунки доғлар ички аъзоларнинг касалликка қарши ёрдам чақириғи бўлиши ҳам мумкин.
источник
Оғиздан тараладиган ёқимсиз ҳид, шубхасиз, жуда кўп одамлар учун “ёқимсиз” муаммони келтириб чиқаради. Оғиздан чиқадиган бу бадбўй ҳидни йўкотиш учун нималарни кабул қилишмайди — сакичлар, турли “тик-таклар”, спрейлар ва хоказо. Бирок, сизга маълумки, бу муаммонинг қисқа вақтли ечими. Бу муаммонинг хақиқий ечимини топиш учун унинг сабабини аниқлаш керак. Қуйида эхтимоли энг катта бўлган сабаблардан бирини (афсуски, ягонаси эмас) тушунтирувчи мутаxассис билан ўтказилган интервюни эътиборингизга хавола этамиз.
Тиббий паразитология ва тропик тиббиёт институтида оғиздан чиқадиган ёқимсиз ҳид пайдо бўлишининг янги сабибини топишди: паразитлар билан зарарланиш. Якинда якунланган тадкикот паразитлар фаолияти махсулотлари захарли ва ошкозонда чириш бактериялари ривожланиши учун кулай муҳит шакллантиришини xабар қилди. Айнан шу сабабдан паразитлар юккан одамларда оғиздаги ёқимсиз ҳидни кузатиш мумкин.
Бугун биз бу хакида РФ Паразитология Институти рахбари Сергей Владимирович Ривков билан гаплашамиз.
— Эвгений Николаевич, паразитлар юкуши натижасида оғизда ёқимсиз хид пайдо бўлиши хакидаги тадкикот маълумотлари канчалик тўғри?
— Бир неча йил олдин тиббиёт бирлашмаси оғиздаги ёқимсиз хид айнан оғиз бўшлиғида шаклланади деб хисобларди. Лекин, сўнги тадкикоктлар буннг бошка мухим сабаби ошкозон ва жигардаги муаммолар хисобланишини исботлади (паразитлар билан зарарланганда хар доим бўлган). Олимлар шунингдек бундай “оддий аломат” ни эътиборсиз қолдириш мумкин эмаслигини xабар қилишди. Паразитлар юқиши одамда деярли барча оғир касалликларнинг ҳосил бўлишига олиб келади.
Шаxсан мен институтимиз тадкикотига ишонаман. Оғиздаги оддий “ёқимсиз хид” жиддий касалликка айланади. Одам ўлимларининг 92% и паразитлар юкиши билан боғлиқ. Ва бу фақат касалликлардан келиб чиқкан ўлимлар эмас. “табиий ўлим” дейиладиган ўлимларнинг катта қисми — бу сизнинг организмингиз ва аъзоларингиз ичидаги паразитлар хаёт фаолиятининг оқибати.
— Одатда паразитлар деганда содда гижжалар тушунилади, улар қандай қилиб оғизда ёқимсиз хид пайдо бўлишига ва ҳатто одам ўлимига олиб келиши мумкин?
— Аслида одам паразитлари — фақат гижжалар деб хисоблаш янглиш фикр. Турли аъзоларда яшовчи паразитларнинг улкан турлари мавжуд. Ва улар турли оқибатларга олиб келади. Гижжалар хам, агар аниқроқ айтсак гелминтлар — жуда xавфли. Улар ичакни бузади, уни чиритади ва якунда — ўлимга олиб келади. Ва айтиб ўтиш керакки, хатто гелминтларни топиш ва йўкотиш жуда кийин.
У билан бир қаторда сизнинг жигар, мия, ўпка, кон, ошқозонингизда яшаши мумкин бўлган минглаб паразитлар мавжуд. Ва уларнинг деярли барчаси — ўлимга олиб келади. Улардан бир қисми дарров тажоввузкор ҳаракат қилади ва организмни бузади. Бир қисми эса — организм-ташувчи кўтара олмайдиган холатга олиб келувчи миқдорга етгунча сезилмас харакат қилади ва одам ўлади.
Бунда мен ишонч билан айтишим мумкинки, паразитлар деярли барчага юққан. Шунчаки улардан кўпларини топиш ўта кийин. Паразитлар билан зарарланиш оқибатлари намоён бўлганида эса шифокорлар айнан уларни даволашга харакат қилишади. Хатто танани очганда хам паразитларни топиш учун маxсус таҳлиллар керак. Ҳеч бўлмаганда уларнинг катта кисми учун.
Сизнинг жигар, мия, ўпка, кон, ошкозонингизда яшаши мумкин бўлган минглаб паразитлар мавжуд. Ва уларнинг деярли барчаси — ўлимга олиб келади. Барчаси эса одатда оғиздан чиқадиган ёқимсиз хиддан бошланади.
— Сиз паразитлар юқишига қандайдир аниқ мисоллар келтира оласизми?
— Мен юзлаб холатларни гапириб беришим мумкин. Лекин, ўйлайманки, паразитларнинг барча xавфли томонларини намоён қиладиганларига тўxталишим тўғри бўлади.
Биринчидан, аниқланишича, баъзи лентали чувалчанглар саратонга олиб келишга кодир. Бунда, аслида одамнинг ўзи эмас, айнан чувалчанглар зарарланади. Лекин уларнинг халокатли хужайралари одамни зарарлаган холда бутун организм бўйича таркалади. Бу чувалчанг личинкалари ичакдан одамнинг лимфатик тугунларига тушганида содир бўлади. Натижада, улар одамни тезда зарарлайдиган саратон ўсимталарига айланади. Ўлим бир неча ойда келади. Ўтган хафтада шундай ўсимтадан навбатдаги инсон ўлими холати кузатилди.
Бу фото марказида: одамга чувалчанг-паразитдан ўтадиган халокатли ўсимта хужайралари
Яна бир кўп таркалган холат — инсон миясининг паразитлар билан зарарланиши. Бу невроз, тез чарчаш, ўта таъсирчанлик ва кайфиятнинг тез ўзгаришларига олиб келади. Анча кечги боскичда эса, миянинг паразитлар билан тўлишига караб, оxир-оқибатда ўлимга олиб келувчи анча жиддий касалликлар ривожланади.
Биз аъзоларда паразитлар топилган холатларнинг фото арxивини олиб борамиз. Мана бир нечта фотографиялар, лекин огохлантириб кўяй, улар даxшатли.
Одамнинг ўт пуфагидаги чувалчанглар:
Саратон ўсимтасига олиб келган одамнинг бош миясидаги паразитлар:
Юракнинг тўxташига олиб келган юрак чувалчанглари:
Учинчи мисол — паразитлар билан зарарланган одам юраги. Жуда суст тарқалган касаллик хисобланади. Лекин аслида, юрак чувалчанглари қандайдир микдорда одамларнинг таxминан 23% да мавжуд. Яъни, деярли хар тўртинчи одамда. Эрта боскичда улар умуман сезилмайди, уларнинг организмга таъсири нолга тенг. Аммо канча кўп вакт ўтса, одам юрагидаги чувалчанглар фаолияти шунча сезиларли. Айнан улар кўпгина юрак xасталикларининг биринчи сабаб хисобланади, агар юрак тўxташи туфайли кутилмагандаги ўлим хакида гапирилса, унда бу паразитлар хиссасига бундай холатларнинг деярли 100% и тўғри келади.
— Паразитлар билан зарарланиш яна нимаси билан xавфли?
Эркакларда паразитлар қуйидагиларни чақиради: простатит, импотенсия, аденома, систит, буйрак ва сийдик пуфагида кум, тош. Аёлларда: туxумдонларда оғрик ва яллиғланиш. Фиброма, миома, фиброз-кистоз мастопатия, буйрак усти, сийдик пуфаги ва буйрак яллиғланиши ривожланади. Албатта терининг эрта кариши содир бўлади, ажинлар, кўз остида қоплар, юз ва танада сўгал ва папилломалалар пайдо бўлади.
— Паразитлардан қандай химояланиш мумкин? Қандайдир тахлил, дорилар мавжудми?
— Афсуски, бугунги кунда одам ичидаги паразитларни диагностикаси учун хакикатдан аниқ ускуналар мавжуд деб бўлмайди. Қисман, бу паразитларнинг улкан тури мавжудлиги билан (бизга маълумлари 2000 турдан ортик), бошқа томондан эса, уларни топишнинг жуда мураккаблиги билан боғлик. Россияда паразитларга тўлик тахлил жараёнлари бир-икки жойда бор ва катта маблағ талаб қилади.
Организмингизда паразит яшаётганлигини айтиш мумкин бўлган биринчи аломатлар, булар:
- Оғиздан чиқадиган ёқимсиз хид;
- Аллергия (насморк тошма, кўзлар ёшланиши, тумов);
- Терида тошма ва кизариш;
- Тез-тез шамоллаш, ангина, бурун битиши;
- Сурункали чарчок (Нима билан шуғуллансангиз хам тез чарчайсиз);
- Тез-тез бош оғриши;
- ич қотиши ва кетиши;
- Бўғим ва мушакларда оғриқлар;
- Нервоз, уйку ва иштаханинг бузилиши;
- Кўз остида доиралар, қопчалар;
Аломатлардан хеч бўлмаса биттаси учраса — 99% эхтимол билан организмингизда паразитлар мавжуд деб айтиш мумкин. Ва уларга қарши зудлик билан курашиш керак!
источник
Даволашдан олдин сабабини ўрганинг
Цистит — урологик муаммо, аммо кўпинча гинекологияга оид ўзгаришлар туфайли пайдо бўлади. Шунинг учун циститга шубҳа туғилганида аёллар шифокорига мурожаат қилиш керак.
Қовуқнинг шиллиқ қаватининг яллиғланиши — аёллар орасида энг кўп тарқалган касалликларнинг бири. Айримларда у нисбатан енгил кечади ва асоратларсиз даволанади, баъзиларда эса йилдан-йилга зўрайиб бради.
Нима сабаб бўлади?
Одатда шиллиқ қават инфекция туфайли яллиғланади. Кўп ҳолларда шартли-патоген микрофлора: ичак таёқчаси, стрептококклар, стафилококклар сабаб бўлади. Камдан-кам ҳолларда циститни уреаплазма каби жинсий инфекциялар келтириб чиқариши мумкин.
Аёлларда пешоб йўли анча қисқа ва кенг бўлганлиги учун микроорганизмларнинг у орқали қовуққа ўтиши осон кечади. Кўпинча улар пешоб йўлига қиндан ўтади. Агар аёлда колпит (қиннинг инфекцион яллиғланиши) ёки вагинал микрофлора бузилган бўлса, цистит ривожланиши хавфи юқори бўлади.
Зўрайишининг сабаби
Циститнинг зўрайишининг асосий сабаби — иммунитетнинг заифлашиши. Шу сабаб жинсий йўллардаги инфекция фаол кўпая бошлайди ва пешоб йўли орқали қовуққа ўтади ва унинг шиллиқ қаватининг яллиғланиши бошланади. Иммунитет эса нафақат совқотишдан, балки қаттиқ зиқлик, чарчаш, ҳомиладорлик ёки климакс давридаги гормонал ўзгаришлар туфайли ҳам тушиши мумкин.
Циститнинг белгилари
Цистит бошланишининг асосий белгиси тез-тез, аммо натижасиз ҳожатга бориш ҳисобланади. Пешоб пешоб йўли орқали санчиқ ва ачишиш билан ўтади. Унинг ранги тўқлашиб, баъзида қон аралаш бўлади. Ўткир яллиғланиш ҳолларида тана ҳароратининг кўтарилиши ҳамда қориннинг пастки қисмида кучли оғриқ кузатилади.
Агар яллиғланиш жараёни қовуқнинг сфинктерига ҳам ўтган бўлса, юқоридаги белгиларга пешобни тутолмаслик қўшилади.
Қандай даволаш керак?
Циститни даволашда асосан антибиотиклар қабул қилинади (шунингдек, қинга “яхши” бактериялар юборилади ва иммунитет мустаҳкамланади). Аммо уларни мустақил қабул қилиш мумкин эмас — дастлаб циститга айнан қандай микроорганизмлар сабаб бўлганини аниқлаш лозим, буни эса фақат врач аниқлай олади. Лекин касалликнинг аломатларини енгиллаштириш мумкин. Ҳар соатда ярим стакан илиқ газсиз сув, кўк чой ёки буйрак учун чой, ёки бўлмаса наъматак дамламасини ичинг. Қўшимча спазмолитик ёки оғриқ қолдирувчи дори ичиш мумкин. Агар пешобда қон бўлмаса, оёқларингизни буғланг ёки 15-20 дақиқа иссиқ ванна қабул қилинг (миома, варикоз каби қарши кўрсатмалар бўлмаса). Сўнг жун пайпоқ кийиб, қалин адёл ёпиб ётинг.
Кучли оғриқлар қолганидан кейин даволаниш учун албатта шифокорга мурожаат қилинг. Микроорганизмларда антибиотикка мослашиш пайдо бўлмаслиги учун шифокор буюрган дориларни тўлиқ қабул қилиш керак. Агар циститнинг сабабини тўлиқ йўқотмай, фақат аломатларини даволанса, у сурункали шаклга ўтиб, йил давомида бир неча марта зўрайиши мумкин.
Аҳволингиз сезиларли даражада енгиллашса ҳам, даволашни тўхтатмаслик керак. Охиригача даволанмаган инфекция пешоб йўллари орқали юқорига ҳаракатланиб, буйракларда яллиғланишни келтириб чиқариши мумкин. Циститнинг тез-тез зўрайиши кейинчалик пешобни тутолмасликка олиб келади.
Олдини олиш учун
- Шахсий тозаликка риоя қилинг, ич кийимларни тез-тез алмаштиринг.
- Тор ич кийим кийманг, у кичик тос қисмида қон юрмаслигига олиб келади ва циститнинг ривожланиши учун яхши муҳит яратади.
- Парҳезга амал қилинг: спиртли, газли ичимликлар, шунингдек, аччиқ, дудланган ва қовурилган таомларни истеъмол қилманг. Иммунитетни мустаҳкамлаш учун кўпроқ сабзавотлар, кўкатлар, цитрусли мевалар енг.
- Об-ҳавога мос кийининг, ҳаддан ташқари совқотишга йўл қўйманг.
Дилором ТОҒАЕВА тайёрлади.
источник
Tuxumdon kistasi turmushga chiqmagan qizlarda ham, homilador ayollarda ham uchrayotgan ekan. Ho`sh, buning sababi nima? Tuxumdon kistasi aslida qanday yuzaga keladi? Bugun shu haqida suhbatlashamiz.
Mutaxassis: tibbiyot fanlari nomzodi Sevara Mirxodjaeva
TUXUMDON KISTASI QANDAY YuZAGA KELADI?
Xavfsiz o`sma hisoblangan kista (pufak) organizmda gormonal o`zgarishlar ro`y bersa yoki jinsiy a`zolarda surunkali yallig`lanish (shamollash) kasalliklari to`liq davolanmasa yuzaga keladi. Ba`zan turli infeksiyalar sabab bachadon shilliq qavati, tuxumdon va bachadon naylarining atrofi yallig`lanadi. Oqibatda esa shilliq qavat zararlanib, buning hisobiga o`sha erda suyuqlik yig`iladi. Bu esa kista pufagini hosil qilishi mumkin. Ba`zi tahminlarga ko`ra, hayz siklining tartibsizligi, qattiq asabiylashish, ayolning zararli odatlari ham kista kelib chiqish havfini yuzaga keltiradi.
BELGISI QANDAY?
Tuxumdon kistasini hayz oldi og`riqlari yoki jinsiy a`zolar shamollashi bilan farqlab olish uchun bezovtaliklarga diqqat qiling. O`smaning dastlabki belgisi qorinning pastki sohasida sanchiqli og`riq bilan namoyon bo`ladi. Bunda qorin kattalashganday bo`lib, tushunarsiz bosimni his etasiz. Ayrim hollarda hayz sikli o`zgarib, oy kunlarida bel va qovug` sohasida og`riq kuchayadi. Bundan tashqari tez-tez peshob ajralishi, ko`ngil aynishi, qayd qilish, tana haroratining ko`tarilishi, qorin bo`shlig`ining qattiqlashishi hamda yurak urishi tezlashishi mumkin.
TEKShIRISh USULLARI IShONChLIMI?
To`g`ri tahlil yarim davo degani, bejiz emas. Agar yuqoridagi kabi bezovtaliklar bo`lsa, o`zbilarmonlik qilib UTT tekshiruviga emas , dastlab mutaxassis huzuriga yo`l oling. Shikoyatlaringizdan kelib chiqib, shifokor qon va peshobning umumiy tahlili hamda UTT tekshiruvi o`tkazilishiga ko`rsatma beradi. Kistani xavfli o`smadan ajratish imkoni qiyinlashsa, kompyuter tomografiyasi buyuriladi. Ba`zan kista turi va darajasini aniqlash uchun laparoskopiya amaliyoti o`tkazilib, jarayonning o`zidayoq o`sma olib tashlanishi mumkin. Hastalik belgisi bachadondan tashqari homiladorlik bilan o`xshash bo`lgani uchun ayrim hollarda homiladorlikni aniqlashga doir test ham o`tkaziladi.
MUOLAJA UZOQ DAVOM ETADIMI?
Buning uchun kista turini aniqlashtirib olish lozim. Tibbiyotda tuxumdon kistasining asosan endometriod va folikulyar turlari uchraydi. Shifokor aniqlangan kista turiga ko`ra muolaja yo`nalishini belgilaydi. Shuni unutmangki, kistaning turiga ko`ra muolaja davomiyligi farqlanishi mumkin. Xususan:
• Organizmdagi gormonal o`zgarishlar tufayli paydo bo`lgan kistalar, asosan, dori vositalari yordamida davolanadi. Bunda o`sma so`rilib ketadi. Agar kista kuchli yallig`lanishdan so`ng yuzaga kelganligini aniqlansa, jarrohlik amaliyoti o`tkaziladi.
• Endometriodlik kista esa sekin-asta rivojlangani bois yaqqol belgilar sezilmasligi mumkin. Hayzning og`riqli o`tishi va odatdagidan uzoq davom etishi kistaning ilk alomatlari bo`lish ehtimoli bor. Bu holatda, asosan, gormonal preparatlar buyuriladi.
• Folikulyar kista ayollarga qaraganda, balog`at yoshidagi qizlarda kuzatilib, gormonlar ajralishining buzilishi oqibatida yuz beradi. Vaqtida aniqlansa, dori vositalari yordamida davolash mumkin.
Har bir ayol organizmi individual ekanligini inobatga olib, muolaja davomiyligi turlicha belgilanishi mumkin.
YaNA QAYTALANSA-ChI?
Hech bir kasallikka nisbatan qat`iy qaytalanmaydi degan tashhis qo`yilmaydi. Xastalikning takroran yuzaga kelish ehtimoli tashqi omillar yoki organizmdagi o`zgarishlar tufayli sodir bo`lishi mumkin. Tuxumdon kistasining o`lchami va turiga ko`ra bemor har 3-6 oyda shifokor ko`rigidan o`tib turadi. Mutaxassis davolanish nihoyasiga etkazilganini aytgach, profilaktika maqsadida bir yilda bir marta shifokor ko`rigidan o`tish maqsadga muvofiqdir.
QIZLAR NEGA “KISTA” BO`LADI?
Bolalikda o`tkazilgan infeksion kasalliklar, gelmintoz, lyablya, kamqonlik, qalqonsimon bez faoliyatidagi buzilishlar asorati hamda immunitet susayishiga hisobiga jinsiy a`zolar me`yorida rivojlanmasligi mumkin. Bu esa tuxumdon kistasini keltirib chiqaruvchi omildir. Angina, tishlar yallig`lanishi oddiy ko`ringani bilan infeksiya o`chog`i hisoblanadi. Agar balog`at yoshiga etgan qizingizda hayz sikli me`yorida bo`lmay, turli o`zgarishlar bilan kechsa, nazoratga oling. Bordiyu kista aniqlanguday bo`lsa, vahima qilmay, mutaxassisga uchrab, davo choralarini boshlang. Kerakli dori vositalari yordamida kista bartaraf bo`lib, asorati qolmaydi. Davolangandan so`ng turmush qurish, farzand ko`rish masalasida ham hech qanday muammo bo`lmaydi.
HOMILADORLIKDA “YoRILIB” KETMAYDIMI?
Kista mavjud bo`lsa, homiladorlik yuz berishi mushkul. Bordiyu homiladorlik vaqti bu kabi holat aniqlansa, uni kista emas o`simta deb atashadi. O`simta ortiqcha bezovtaliklarni keltirib chiqarmasa homiladorlikning 16 haftasida jarrohlik amaliyoti yordamida olib tashlanadi. Yo`qsa, homila kattalashishi hisobiga kista ezilishi, yorilishi yoki buralib qolishi mumkin. Bu esa ona va bola hayoti uchun xavf tug`diradi.
KLIMAKS DAVRIDA HAM BO`LADIMI?
Ayrim ayollar nazdida klimaks davrida yuzaga kelgan yoki aniqlangan kistalar o`z-o`zidan so`rilib ketadi. Aslida esa 40 yoshdan so`ng organizmda turli o`simtalar yuzaga kelish moyilligi ortadi. Klimaks ayol organizmida bir qator o`zgarishlarni keltirib chiqaradi. Bu esa tuxumdondagi xavfsiz o`smani xavfli ko`rinishga aylantirib yuborishi mumkin. Qolaversa, uy sharoitida mustaqil davolanish ham noto`g`ri! Klimaks boshlandimi, kista ham bormi vaqtni ketkazmay mutaxassis huzuriga yo`l oling. Havotirlanmang, davosi oddiy va ishonchli.
“KISTA O`Z-O`ZIDAN SO`RILADI”MI?
Tibbiyotda oddiy kistalar 2 oy mobaynida davolanadi. Shu vaqt ichida hajmi kichrayib borsa, muolaja davom ettiriladi. Aksi bo`lib, kista o`lchami o`zgarmasa yoki kattalashib borsa, jarrohlik amaliyoti o`tkaziladi. Davolovchi shifokor bemorning shikoyati va umumiy ahvoliga ko`ra har 10 kun yoki xaftada bir marta tibbiy tekshiruv o`tkazadi.
Jarrohlik amaliyotidan qo`rqmang!
Bugungi kunda ultratovushli skalpel, lazer muolajasi, laporaskopiya kabi jarrohlikning zamonaviy usullari qo`llanilayotgan bo`lib, bemor odatdagidan tezroq sog`ayishi uchun imkoniyatlar mavjud.
“ISSIQ” MUOLAJALAR MUMKINMI?
Halq tabobatiga murojaat qilishdan oldin shifokor bilan maslahatlashing. “Kistaga qarshi “giyoh yoki damlamalarning hammasi ham foyda bermasligini unutmang. Uy sharoitida issiq vanna qilish, turli qaynatmalarda chayinish ham tavsiya etilmaydi. Kista xavfsiz o`sma bo`lgani bilan turli omillar sabab xavfli turga aylanishi hech gap emas.
HASTA BO`LMAYSIZ, QAChONKI.
• Jinsiy a`zolarda yallig`lanish holatlariga yo`l qo`ymasangiz;
• Bezovtaliklar, hayz og`riqlari, tana vazniga diqqat qilsangiz;
• Qindagi ajralma rangiga, qachon va qay tarzda yuz berayotganiga e`tibor bersangiz;
• Bir yilda 2 marta ginekolog ko`rig >
источник
Аёл кишини канчалик куп биламан деган одам уни шунчалик кам билади.Хотинга нисбатан шу гапни айтганда эр хотинини
факат емон еки яхши томонини купрок билиши мумкин аммо иккаласини хам тенг била олмайди.
Жан Жак Руссонинг ушбу сузлари Турфа Оламнинг хозирги сиз сураган мавзудаги видеоролигига мукаддима булиб хизмат килади.
Произведение «ЭРИГА ХИЁНАТ КИЛГАН АЁЛНИ КАНДАЙ БИЛИШ МУМКИН» созданное автором по имени AKATOR, публикуется на условиях лицензии Creative Commons «Attribution» («Атрибуция») 4.0 Всемирная.
эрига хийонат килга айол бошкасига хам содик колмайди бунндай айоллар жалаб тоифасидаги айолллар
Савол:Эр-хотин биргаликда беҳаё филмларни кўриши мумкинми?Жавоб:Алҳамдулиллаҳ;Дарҳақиқат, бу савол беҳаё филмларни кўриш жуда авж олгани, ҳатто эр-хотин бирга томоша қилиш даражасига етиб борганига далолат қилади. Бировнинг зино қилишини томоша қилиш шу ишга рози бўлиш, ич-ичидан шу ишни исташ демакдир. Инсоннинг қалбида зинога нисбатан муҳаббат пайдо бўлиб, бу иш одамлар ўртасида кенг тарқалишини истайдиган даражада тубанлашиб кетган бўлса, “Мўминлар ўртасида фаҳш ишлар тарқалишини хоҳлайдиганларни дунёда ҳам, охиратда ҳам уларга аламли азоб бўлишини айтиб “хурсанд” қилиб қўйинг” оятини эсласин (Нур: 19).Фаҳш филмларни кўриш ҳаром бўлса, бу қабиҳ ишни эр-хотин биргалашиб қилиши унданда катта гуноҳдир. Қандай қилиб эркак киши хотини бошқа эркакнинг авратларига қараб роҳатланишига чидай олади?! Инсон шу даражада даюс бўлиши ҳам мумкинми?! Наҳот инсон шу даражада тубанлашиб кетса?! Аллоҳул мустаон!Ба қабиҳ иш ҳаром бўлиши билан бирга бир неча ачинарли оқибатларга сабаб бўлади, жумладан:1) Инсон қалбида зинога нисбатан муҳаббат пайдо қилади;2) Жинсий алоқа асносида одоб-ахлоққа зид турли ишларни қилишга одатлантиради. Шунинг учун бугунги кунда “аёлнинг орқасига яқинлик қилиш жоизми”, “эр-хотин бир-бирининг жинсий аъзосини ўпиши жоизми” ва шунга ўхшаш саволлар авж олмоқда;3) Инсон Аллоҳ ҳалол қилиб берган хотинига қониқмай қолади;4) Аёлда бегона эркакларга нисбатан рағбат пайдо қилади;5) Асабийлик, барвақт бўшаниш каби турли касалликларга сабаб бўлади;6) Шаҳватни ўлдиради;7) Энг асосийси ва ачинарлиси эркак кишини даюс бўлишига сабаб бўлади. Даюслик эса жаннатдан маҳрум бўлиш демакдир. Расулуллоҳ соллаллоҳу алайҳи ва саллам: “Жаннатга даюс киши кирмайди” – деганлар (Табароний “Авсат”да (2443) ва “Кабир”да (13180) ривоят қилган ҳадиснинг бир қисми), валлоҳу аълам.Шу ва шунга ўхшаш ҳаром ишлар кенг тус олгани учун бугунги кунимизда келинлар бегоналар билан зино қилгани етмаганидек, ўз қайнотаси билан ҳам юриб қўйгани, хотинини бошқа эркак билан зино қилишини кузатиб роҳатланадиган инсон кўринишидаги ҳайвонлар пайдо бўлгани ҳақидаги хабарлар тез-тез қулоққа чалинадиган бўлиб қолди. Аллоҳ таоло мусулмонларнинг ҳолини Ўзи ўнгласин!
Аёлни хар бир гунохида уйидаги беэтибор Эри сабабчи булади бу тасдикланган
киладигон Хотин 4деворни ичидаям килади
Эркак яхши булса айолини «боши айланар экан» агар Эркак емон булса айолини «боши огрир экан»
Эркакларга мумкин улар кучани одам айоллар Эса уй бекаси улар Эрни юзини ерга каратмаслик керак
Bu besh toifadan boshqa ayollar qoldimi o’zi.
Dunyoda eriga xiyonat qilgan ayollar juda kop va bu ayni xaqiqat. Ozimizni yurtimizdayam bor bunday nomusi yoq gururi yoq ayollar bor ular ayol emas ayol qiyofasidagi shayton urgochilari.
Тузук аёл колдимикин? канака фелли аёлга уйланиш керак а?
мантикан 100% тугри бундака холат узимиздахам булади!класссс
Асосан тўғри гаплар айтилган. Яхши тайёрлашибди.
шунакаларни курганман лекин нормалний аеллар хам шунга ухшидику
Диктор какую ахинею несешь. Дикция херовая. Противный голос. Своих воспитывай.
Bunaqa ayollardan tezda ajrashish kerak chunki ularni faqat go’r to’g’rilaydi.
Ovozzi nimaga bunaqa gapiradiya bu bola
бумасам аёллар эри билан гамлашмаслик керегекан умуман акиллигиям эрига яхши гапиредигониям уришетгониям хамма хамма аёлларди хиёнатчига чигарип куйдику йувуксиз олимлар
эркакларни хиенати хакида кайси турлари оркали билса болади у нихам езворин( MISTEP ADMIN)
ассалому алайкум хозирги замонамизда хаелан хиенат килмидиган эркак ва аел йук хамма очикчасига хиенат килишяпти.
Е бзага нахуй керак бу гаплар. бза узбекмис узбек кзлари ва айолари.. Бу дунёда ягона. Бу запларизди бошка давлат одамларига айтсайиз булади.. Бзага бу гаплариз тигишлмас. Узбек аёлари ягона хиёнат клмийди.. Бита икта фохшалар буп комаса..
хиенат кучасига киз пайтида кирган айол куя олмайди хиенатни узи куйса хам кути куймайди
источник